Want create site? Find Free WordPress Themes and plugins.

 

Klauterkoers Sjweikese

Begin joare 7klauterkoers10 haèj jeder dörp in de omgaèving zien eige  wielerrunj, behalve Sjweikese.

Op 23 november 1971 woort door ein groep van 10  wielerleefhöbbers oet Sjweikese en omgaèving  ’t “wielercomité  Sweykhuizen ” opgerich. ’t Comité  haèj zich tot doel gesjtèld , ’t  sjtimulere van de wielersjport , door ’t organisere van ein  joarlèkse wielerrunj.  ’t Idee koam van Michel Visschers, daè mit  ziene zoon Eric mitging nao de wedstrieje.  Doa kreeg haè de  vroag  gesjtèld of”r in Sjweikese auch ein runj koosj organisere.  Sjweikese woar pas mit ein paar sjtraote oetgebreid  en der koosj  dus ein rundje gereje waère. {veur daè tied besjtonge de verharde  weag van Sjweikese allein maèr oet de Bergsjtraot  en  Kirksjtraot}  Om eine naam te bedènke daè jederein aansjprook ,  woort ein beroop gedoan op de luuj van Sjweikese. Oet de  weinige inzendinge woort de naam van  Mej. Marly Daniëls  gekoaze, namelik:                 

“De Klauterkoers. “

Om toesjtumming te kriege moosj  vergunning waère aangevroag door ein bie de wielerbonjd aangesjloate club. Dit woar W.C. De Bergklimmers oet Sjtein.

’t Comité besjtong oet : veurzitter Dr. A. Mey , sicretaris  René Lemmens en penningmeister  Michel Visschers. Veur de sjponsering zörgde Pie Solberg     { de pap van wielrenner Jack Solberg oet Pöth}en Eugène Daniëls en veur de renners zörgde Harry Meels , de anger lede woare Crit Stoffels , Lei Vossen , Sjang Delareu en Constant Habets.

Informatieblaedje                                                       

klauterkoers0006b klauterkoers0024b

 

Klauterkoers 1972

 De aèjste Klauterkoers woort klauterkoers0003agereje op 1 mei 1972 door ameteurs  , adspirante en nuujelinge. De  winnaar kreeg es pries ein  horloge  en eine geljdpries . De ameteurs krege f 80.- , de  nuujelinge f 40.- en de adspirante krege es winnaar  f 25.- Door ‘  t kriege van premies ginge sommige renners toch nog mit flink  get geljd noa hoes. Zoa haèj  B. Koken oet Grevebich mit ziene  11e pries bie de ameteurs ein bedraag van          f 218.50 biejein  gefiets.  Bie de ameteurs woort de aèjste pries veur    C. Boersma,  de twaède veur J. Vrancken en de driede veur   J. Spetgens. Bie  de  nuujelinge woort gewonne door H. Neven , twaède J.v/d  Meer,driede H. Geerkens en de favoriet oet Sjweikese Eric  Visschers woort tieènde. De nummers ein,twea en drie bie de  adspiranten woare J. Baadjou , A. Verstappen en A. Vissers. In  1973 won bie de ameteurs Mathieu Domhen. In 1974 en in 1975  won Toine van de Bunder. In 1975 woar de klauterkoers  oetgegreujd tot ein wielerrunj van formaat, en woar mit 3000  toesjouwers  in Sjweikese de drüksbezochte wielerrunj van limburg. Eric Visschers , inmiddels toegetròaje tot de ameteurs, wis veur eige publiek ein zösde plaats te behoale. Van de 69 gesjtarte ameteurs wiste  maèr 24 de sjtreep te hoale. In 1976 won Johan Van der Meer, maèr op 13 maert 1977 woar ’t dörp te klein, toen won Eric Visschers veur eige publiek de klauterkoers. Auch woort in 1977 de aèjste klauternach gereje. Deze in de oavendoere gereje koers woort gewonne door Willie Maessen. In 1978 won Jos Lammertink de klauterkoers en woort Eric Visschers twaède. De klauternach van dat joar woort gewonne door Eric Visschers en auch won haè de aafvalrit. De klauternach is maèr 2 joar gereje omdat ’t bezeukersaantal taègeveel . In 1991 en 1992 woort der auch nog ein damesrunj gereje

klauterkoers1972

klauterkoers1977

Eric Visschers winnaar in 1977

De klauterkoers in deze opzèt woort gereje tot 1994 , wonao de organisatie woort euvergenomme door de heren Costongs en Bruinsma , auch woonachtig in Sjweikese. Deze maakde van de klauterkoers ein prof runj woa doezende toesjouwers noatoe koame en groate name aan mit deje zoaes Erik Dekker en Michaël Boogerd. Auch   veur de toesjouwers stonge boete de cafees euveral èat- en drènktente. De eindsjtraèp woort verlag noa boave op de berg bie ’t voetbalveljd. De runj leep richting Pöth, de berg aaf richting Gelaen en via Danike truk noa sjweikese  Toch moojs de organisatie ’t nao 3 joar opgaève en woort in 1997 de lètste klauterkoers vèrreje

OLYMPUS DIGITAL CAMERA

 

Erik Dekker winnaar 1995

   25 jaor klauterkoers

                         Ameteurs

1972                      Cor Boersma                       Treebeek

1973                      Mathieu Dohmen                  Born

1974                      Toine van den Bunder           Ijzerdijke

1975                      Toine van den Bunder           Ijzerdijke

1976                       Johan van der Meer             Geleen

1977                       Eric Visschers                      Sweikhuizen

1977                       Willy Maessen                     Maasbracht

1978                       Jos Lammertink                   Wierden

1978                       Eric Visschers                     Sweikhuizen    afvalrit :Eric Visschers

1979                      Michel van Dijk                   Someren         afvalrit : Jos Lammertink

1980                      Theo Wallenburg                 Breukelen

1981                      Bert van Boorn                   Geleen

1983                      Ron Paffen                          Gennep

1984                      Jan Leys                              Breda

1985                      Theo Gevers                       Schijndel

1986                      Frans Maasswen                 Haelen

1987                      Peter Dahmen                     Reuver

1988                      Robert Rademakers            Jabeek

1989                      Danny Nelissen                   Sittard

1990                      Francois Knarren                Stein

1991                      Mike Kuipers                     Amsterdam

1992                      Patrick Tolhoek                  Yerseke

1993                      Marcel van der Heijden       Eindhoven

1994                      Max van Heeswijk              Baexem

 

Profs

1995                     Erik Dekker                          Hoogeveen

1996                     Michaël Boogerd                  Kapellen

1997                     Erik Dekker                          Hoogeveen

 

 

 

Mit dank aan: Harry Meels

                        Michel Visschers

                        Wiel Verheesen

                                                   veur alle informatie.

 

Did you find apk for android? You can find new Free Android Games and apps.